我見好多blog友都唔係好攪得掂依個blogspot,
我都攪左好幾日,終於叫做攪掂啦,
而搬舊文,我用左一個方法,我唔知叫唔叫最好,最正確,
但我搬到囉,搬到就得啦,係唔係?
第一,去Yahoo到備份舊文
首先跟Yahoo所講既方法,先download咗你既舊文先,
之後佢會比條link你,你將啲舊文全部備份落去你既電腦到,
記得要揀備份去電腦邊個位置呀,唔係一陣搵唔返
第二,下載程式,將備文轉為XML檔
download一個叫做"blogtrans"既程式
程式download後,係一個壓縮檔,要先解壓喎,
解壓後打開,係入面有個files叫做blogtrans既,
按一下出現個框,再按執行,
跟住就再出現個框,框上面有個匯入既制,
跟住按下匯入,然後揀返你Yahoo個個備份入面既一個files,
個名後面會係Moveable-Type既,
跟住就會show晒你既舊文出尼,之後再按匯出,
你可隨意改個files名,但記得係個名後面加返 " .xml " 呀,
咁就可以將你個Yahoo備份,由HTML檔,變左做XML檔啦
第三,將已轉當既舊文搬到blogspot
跟住去返你個新blog到,頭頂按一下設計,
之後係左手邊最底個位,有個設定,按一下,再選其他,
之後中間就會出現個匯入既制,
按一下就可以去揀返你個XML檔既備份,
跟住打埋個驗証碼,按匯入,
等一陣你既舊文就返晒尼架喇..
但我想問下, 呢個方法..如果yahoo blog停止後, d相會唔會有機會變左死圖?? 因為好多人都有擔心呢個問題~
回覆刪除依個問題,真係唔知喎,因為我所以blog都係係Sina寫既,再copy係Yahoo到,所以我啲圖既link都係Sina架,所以我應該無依個問題呢....
回覆刪除你就好啦搞掂哂,我呢排要整月餅都唔得閒搞佢,好頭赤.....請問yahoo download 要幾耐呀,download 完佢會俾條link我,click入條link會見到乜?點樣可以save落自己電腦??
回覆刪除係咪只得一個file後面係Moveable-Type呢個名?
>>中間就會出現個匯入既制<>Import blog-Export blog-Delete blog<<你講匯入係咪Import blog呀??
唔好意思問咁多野,因為好驚做錯一步搞到兩頭唔到岸,唔知點算
我係Yahoo downlonad左唔係好耐咋,第二日就收到e-mail喇, click左入條link到就會見到有個備份制,一禁就得架喇...就可以save係自己電腦
回覆刪除而個file入面會有好多個file既,但你唔洗理佢,你只係要用後面Maoveable-Type個個就得呢
跟住再上網download 一個叫blogtrans既程式,匯入意思係匯入去個程式到,跟住再匯出就係佢幫你轉左個檔案,再匯出返出尼呢...咁你個備份就會變左XML檔架喇
之後先再去返blogspot到匯入返落去你個blog到,好快,其實除左係yahoo DL備份之後,其餘成個程序都只係十分鐘既事咋...試下啦~~~^_^
你好勁呀!!我用咗你嘅方法真係好快,不過可惜 d 相全都冇晒要重新入 but 已經快好多!!Thx ^0^
回覆刪除啲相無晒?我有個喎?
刪除